முதலீடு

 

மனிதனுக்கும்
மனித நேசத்திற்கும் நடுவே
சமாந்தரமாக
இணை இரும்புகளில் பயணித்தது
குறுக்கறுத்த மரக்கட்டைகள்
ஆணிகளால் அறையப்பட்டிருந்தன
கதகதப்பும் விவரிக்க முடியாத
வாசனையும் அசெளகர்யங்களுமாய் 
ரயில் பயணங்கள்
எப்போதுமே சுகமானது
தண்டவாளங்களை
கணக்கின் இலக்கம் பிசகாது
இணைத்து வைக்கும் நேர்த்தி
பிடி தளராத பிணைப்பு
அங்குல நகர்வும் அனர்த்தங்கள்தான்
நீண்ட செவ்வக மரக்குத்திகளினிடையே
குறுணிக் கற்குவியல்
கருப்பு வெள்ளை தவிர்ந்த
வர்ணங்கள் காணாத வாழ்வு
பசும்புல் ஒருபோதும்
தலைகாட்டியதே இல்லை
விரைந்தோடிக்கொண்டேயிருக்கும்
புகையிரதம்
காதல் பிரிவின் விசும்பல்கள்
கணவன் மனைவி பிரிவினைகள்
விட்டு விலகிப்போகும்
சகல படித்தரங்களினூடு பாவும்
கொஞ்சம் அசிங்கமானாலும்
மலமும் சிறுநீரும்
தற்கொலை முயற்சிகளும்
தற்காலிக சினேகிதங்களும்
முகவரி பரிமாறல்களும்
தரிப்புகளின் நடுவே நிகழ்ந்த
தாக்குதல்களும்
மரணங்களும்
ஓசையற்றுப்போன ஓலங்களும்
இந்த மரபணுக்கள்
குறுணிக் கற்பரப்பினிடையே
எப்போதும்
சேகரித்து வைக்கப்பட்டிருக்கும்
புற்களின் எஞ்சிய
பசுமைப்புரட்சிகளும்
அறவே அழிந்தன
எது எப்படியானாலும்
நரை காணாத பருவத்தில்
நானும் சூட்டியும்
யானை 'மார்க்' சோடாமூடிகளை
தண்டவாளத்தில் அடுக்கிவைத்து
ரயிலின் ராட்சத சக்கரங்கள்
நசுக்கித்தரும் சில்லறைகளை
முதலீடாக்கி விளையாடினோம்
எள்ளளவும் பயமில்லாது
ஆனந்த் பிரசாத்

 

• You, Anantha Bahiratan, Vathiri C Raveendran, K Shiva Kumar and 29 others like this.
• 2 shares
• 

  Vanitha Solomon Devasigamony ......தரிப்புகளின் நடுவே நிகழ்ந்த தாக்குதல்களும்
  மரணங்கள் ஓசையற்றுப்போன ஓலங்களும்
  இந்த மரபணுக்கள் குறுணிக் கற்பரப்பினிடையே
  எப்போதும்சேகரித்து வைக்கப்பட்டிருக்கும் புற்களின் எஞ்சிய
  பசுமைப்புரட்சிகளும் அறவே அழிந்தன;

  November 10 at 8:26pm · Unlike · 2
• 

  Sriranjani Vijenthira அழகாகச் சொல்லியிருக்கிறீர்கள்

  November 10 at 8:27pm · Unlike · 2
• 

  Pathmanathan Nalliah Naavuk Arasan எனக்கு பிடித்த எழுத்தாளர்களில் இவர் பெயரையும் நான் அடிக்கடி குறிப்பிடுகிறனான். அந்த நாளில் ஆடலுடன் பாடலைக் கேட்டுத் தொடரில் இருந்து இரசிகனாகி விட்டேன் ..

  November 11 at 1:32am · Unlike · 2
• 

  Kiruba Pillai எல்லா அமுக்கங்களிலும் இந்த வரிகள் இறக்கை கட்டியது """ யானை 'மார்க்' சோடாமூடிகளை
  தண்டவாளத்தில் அடுக்கிவைத்து
  ரயிலின் ராட்சத சக்கரங்கள்
  நசுக்கித்தரும் சில்லறைகளை
  முதலீடாக்கி விளையாடினோம்""" எள்ளளவும் பயமில்லாது ..சூப்பர் கவிஞரே ..

  November 11 at 6:16am · Unlike · 3
• 

  Kiruba Pillai சவுகரியங்களும் ..துயரங்களும் இந்த கவிதைக்குள் ரயிலாக ஓடுகின்றன .

  November 11 at 6:20am · Unlike · 2
• 

  Sulaiha Begam ஞாபக ரயில்கள் ஊர்கின்றன....

  November 11 at 12:24pm · Unlike · 1
• 

  குழந்தைநிலா ஹேமா தண்டவாளங்கள் வெறும் புகையிரத்தை மட்டும் சுமந்து கடத்தவில்லை நினைவுகளையும்தான்.எத்தனை நிகழ்வோடு சம்பந்தப்பட்டு தனித்துக் கிடக்கிறது பெருங்காடுவழி.அருமையான கவிதை.கடைசிப் பந்தி சின்னக்கால நினைவூரல் :)

  November 13 at 10:53am · Unlike · 1
• 

  Fathima Sharmila Jeinulabdeen · 6 mutual friends

  அழகு!!!!
  பொருத்தமான படமும் கூட....

  November 16 at 10:22am · Unlike · 1