மாதத்துவம்
மாங்கொட்டைக்குள்
ஒரு
சிதம்பர ரகஸ்யம்!
கறுப்பென்றும் வெளுப்பென்றும்
கருவிலேயே நிறபேதம்
கடை...சீ...வரைக்கும்
சுரண்டித்துப்பினோம்.
கறுத்தக் கொளும்பானும்
வெள்ளைக் கொளும்பானும்
பொறுத்த யாழ்ப்பாணத்தே
பொலிந்து செழித்தன
பிரதேச வாதம்
பொடிப்பொடியானது
பிறதேசங்களுக்கும்
செறிந்து பரந்தது
ஆசியாவில் இருந்து
அவுஸ்திரேலியாவில் வெந்து
ஐரோப்பாவில் நொந்து
அமேரிக்காவில் குளிர்ந்து
தோலும் பறிபோய்
சுளையும் சூறையாடப்பட்டு.....
விதைக்கு முளைக்கும்
ப்ராப்தமில்லை
நாங்கள்
கொட்டைகளை
நேசிப்போம்
என்றைக்கேனும்
உரிய மண்ணில்
உயிர்க்கும்.... தானே!
ஆனந்தபிரசாத்.
*ஒளிப்படங்கள் உதவி
கவிஞர் யோகேஷ் யாழ்ப்பாணத்திலிருந்து.
- Balan Tholar, Thiru Thirukkumaran, Sugan Kanagasabai and 19 others like this.
- Melinchi Muthan கவிதை நன்றாகவே இருக்கிறது. ஆனால் செம்பாட்டான் மாம்பழம் மீசாலையின் பலவகை மாம்பழங்களையும் கூட்டிவந்து உங்களுடன் போராடப்போகின்றன. இரண்டுவகை மாம்பழங்களை நீங்கள் சொல்லவரும் கருத்திற்கேற...See More
- Anand Prasad Melinchi Muthanநண்பா, கருப்பும் வெளுப்பும் தான் ஆதார நிறங்கள்
என்பது பெளதீகவறிவு. ஏனைய செம்பாடு, பண்பாடெல்லாம்
இவ்விரு நிறங்களின் வெளிறிய படிமங்களே.
தென்மர்...வடமர் ஆட்சிகளெல்லாம் இதன் பாற்பட்ட
படிமானங்களே! ஆக நாம் செயற்பாலன......
கருத்திற் கொள்ளப்பட வேண்டிய நம் விழுமியங்களே!!! - Thiru Thirukkumaran சாம்பல் நிறமொரு குட்டி - கருஞ்
சாந்து நிறமொரு குட்டி
பாம்பு நிறமொரு குட்டி - வெள்ளைப்
பாலின் நிறமொரு குட்டி ...See More
No comments:
Post a Comment