ஒன்றும் அறியாத...நீ ஒருகால் சொர்க்கத்தின்
மன்று திறக்க மகிழ்வையேல் ... நன்று! நம்
வர்க்கத்தின் அலைநீள
விம்பத்தில் வாழ்வியலின்
நர்த்தனங்கள் அறிவாய் நன்கு! ...... அர்த்தங்கள்
ஆயிரமாய் புஷ்டிக்கும்!
அறிந்தோம்ப யாவருளர்?
வாயிருந்தும் வீணாகும் வாழ்வு ....... பேயிருந்து
அரசாளும் பூமியிலே ஆதரவு...நி ராதரவென்
றுரை சாலச் சொல்ல உறுமோ? .....கரைசேரும்
கலங்களுக்கு கூடவொரு
கடற்பறவை கூட்டுண்டு
அலங்கோலம் ஆனதெம தாழி! ..... நிலக்காதல்
கிழமாகிப் புளித்ததுஎம்
கீர்த்திகளும் நேர்த்திகளும்
நழுவிப்போய் விட்டதொரு நாணம் .... பழகிப்போய்
பால்புளிக்கும்....சீச்சீ...இப்
பழம்புளிக்கும்! காலவகை
யால் இளிக்கும் கருத்துகளில் ஆழ்வோம் ..... ஞாலமிசை
உளுத்தஉமல் கொட்டையென....
உறுமவொண்ணா சிங்கமென....
வெளுத்துக் கட்டுமொரு வாழ்வு ...... கொளுத்தும்
வெயில்...பனியின்குளிரில் வெவ்வேறு சீதோஷ்ண
வயலில் விளைகின்ற வாய்ப்பின் ........ நியமம்
தர்க்கத்திற் கப்பால் தாண்டியது! உறவே..நீ....
சொர்க்கத்தில் இருந்து சுகி!
ஆனந்தபிரசாத்.
பின்குறிப்பு:
அர்த்தமில்லா யுத்தங்களின்
அனர்த்தங்கள் ஆட்கொண்ட
சத்தமில்லா ஜீவனுக்கு
சமர்ப்பணம் இந்த வரிகள்.
3 shares
கரும்புள்ளி போட்டுவிட்டு
காணவில்லை....என்று
...
கனகாலம் தேடியவன்......
சக்கரங்களுக்கிடையே
சரியாக மாட்டிவிட்டான்"See More