சக்கரவர்த்தி

உருண்டு கொண்டிருந்த
சக்கரத்துப் பல்லிடுக்கில்
மாட்டிக்கொண்டான்!!!
உரத்த சத்தமாய்
உருண்டவைகள் இப்போது
இரத்தக் கொழுப்பில்
இதமாகச்சுழல்கிறது
சக்கரத்துப் பல்லாகி
சமாளிக்கத் தெரியாது
வக்கரித்துப் போனாலும்
வாழ்வைப் புரியாத
மக்கு......!!! தவறிப்போய்
மாட்டிக்கொண்டு விட்டான்.
இல்லாத ஞானத்தை
இருட்டு விளக்கோடு
எல்லா உலகும் போய்
எழுகடலும் தாண்டிப்போய்
தேட வெளிக்கிட்டு
திசையேதும் தெரியாமல்
காடேது.......? நல்ல
கழனியெதென்றறியாமல்
கறுத்த திரையில்
கரும்புள்ளி போட்டுவிட்டு
காணவில்லை....என்று
கனகாலம் தேடியவன்......
சக்கரங்களுக்கிடையே
சரியாக மாட்டிவிட்டான்
அவன் கொண்ட நம்பிக்கை
அவனுக்குள் சங்கீதம்
சவமாகிப் போனாலும்
சக்கரங்கள் நிற்பதில்லை
கூரியதோர் பல்லாகிப்
பொருந்திப்போய் வாழ்வான
பாரிய சுழற்சியிலே
பண்பட்டு அனுபவத்தின்
வெளிச்சத்தைக் கொண்டு
தேடினால் கிடைக்காதோ தெளிவு....?
அதுசரி...
உணர்ச்சியே இல்லாமல்
உருள்வதற்குப் பேர்தானா
வாழ்க்கைச்சக்கரம்?

· · · Share · Delete

• 
  

  Emiliyanus Judes, Tharini Po, Mayoo Mano and 23 others like this.
• 3 shares3 shares
• • 
    

    Vj Yogesh
    

    ‎"கறுத்த திரையில்
    
    கரும்புள்ளி போட்டுவிட்டு
    
    காணவில்லை....என்று
    ...
    கனகாலம் தேடியவன்......
    
    சக்கரங்களுக்கிடையே
    
    சரியாக மாட்டிவிட்டான்"See More

    
    

    July 13 at 9:08pm · · 2
  • 
    

    Melinchi Muthan மக்கு, சோம்பேறி,ஞானி,கலைஞர் என்ற உணர்வு விகிதங்களில் ஆடி வாழ்க்கையின் அபத்தத்தை வாழ்க்கை மீதே எழுதிச் செல்வோம். எழுதுதலும் அபத்தத்தின் தூர இருக்கும் மாற்றுருதான்.
    

    July 13 at 10:13pm · · 2
  • 
    

    Amalraj Francis நன்றாக இருக்கிறது சார்..
    

    July 14 at 3:07am · · 2
  • 
    

    கிரி ஷாந்
    

    இல்லாத ஞானத்தை
    
    இருட்டு விளக்கோடு
    
    எல்லா உலகும் போய்
    ...
    எழுகடலும் தாண்டிப்போய்
    
    தேட வெளிக்கிட்டு
    
    திசையேதும் தெரியாமல்
    
    காடேது.See More

    
    

    July 15 at 12:48am · · 1
  • 
    

    Pena Manoharan ‎"உருள்வதும் உருட்டப்படுவதும்தான் உண்மையில் வாழ்க்கையாகிப் போனது கருப்பைமுதல்"என்பது என்கவிதையொன்றின் ஆரம்பவரிகள்.உங்களது உணர்வுபூர்வமாக உரத்துப்பேசுகிறது.வாழ்த்துக்கள்.
    

    July 15 at 7:24am · · 1
  • 
    

    Dr.Muttiah Kathiravetpillai Muruganandan ‎"தேட வெளிக்கிட்டு
    திசையேதும் தெரியாமல்
    காடேது.......? நல்ல
    கழனியெதென்றறியாமல்.." அருமை
    

    July 15 at 12:37pm · · 1
  • 
    

    Pa Sujanthan
    

    அவன் கொண்ட நம்பிக்கை
    அவனுக்குள் சங்கீதம்
    சவமாகிப் போனாலும்
    சக்கரங்கள் நிற்பதில்லை
    கூரியதோர் பல்லாகிப்
    ... பொருந்திப்போய் வாழ்வான
    பாரிய சுழற்சியிலே
    பண்பட்டு அனுபவத்தின்
    வெளிச்சத்தைக் கொண்டு
    தேடினால் கிடைக்காதோ தெளிவு....?See More

    
    

    July 15 at 1:18pm · · 1
  • 
    

    Arasan Eliyathamby ‎.உணர்ச்சியே இல்லாமல்
    உருள்வதற்குப் பேர்தானா
    வாழ்க்கைச்சக்கரம்? இந்த கவிதை எதற்காக கேள்வியுடன் முடிகிறது ? கவிதை சொன்னது போல ஒரு தமிழர் மீன் அரைக்கும் இயந்திரத்துள் பாய்ந்த்கு தற்கொலை செய்துகொண்டார் நோர்வேயில பல ஆண்டுகளின் முன் !
    
    .
    

    July 16 at 5:52am ·
  • 
    

    Emiliyanus Judes சவமாகிப் போனாலும்
    
    சக்கரங்கள் நிற்பதில்லை
    

    July 19 at 1:00pm · · 1
• 
  

தாவரங்களுடன் பேசுதல்

ஒன்றும் அறியாத...நீ ஒருகால் சொர்க்கத்தின்

மன்று திறக்க மகிழ்வையேல் ... நன்று! நம்

வர்க்கத்தின் அலைநீள

விம்பத்தில் வாழ்வியலின்

நர்த்தனங்கள் அறிவாய் நன்கு! ...... அர்த்தங்கள்

ஆயிரமாய் புஷ்டிக்கும்!

அறிந்தோம்ப யாவருளர்?

வாயிருந்தும் வீணாகும் வாழ்வு ....... பேயிருந்து

அரசாளும் பூமியிலே ஆதரவு...நி ராதரவென்

றுரை சாலச் சொல்ல உறுமோ? .....கரைசேரும்

கலங்களுக்கு கூடவொரு

கடற்பறவை கூட்டுண்டு

அலங்கோலம் ஆனதெம தாழி! ..... நிலக்காதல்

கிழமாகிப் புளித்ததுஎம்

கீர்த்திகளும் நேர்த்திகளும்

நழுவிப்போய் விட்டதொரு நாணம் .... பழகிப்போய்

பால்புளிக்கும்....சீச்சீ...இப்

பழம்புளிக்கும்! காலவகை

யால் இளிக்கும் கருத்துகளில் ஆழ்வோம் ..... ஞாலமிசை

உளுத்தஉமல் கொட்டையென....

உறுமவொண்ணா சிங்கமென....

வெளுத்துக் கட்டுமொரு வாழ்வு ...... கொளுத்தும்

வெயில்...பனியின்குளிரில் வெவ்வேறு சீதோஷ்ண

வயலில் விளைகின்ற வாய்ப்பின் ........ நியமம்

தர்க்கத்திற் கப்பால் தாண்டியது! உறவே..நீ....

சொர்க்கத்தில் இருந்து சுகி!
ஆனந்தபிரசாத்.
பின்குறிப்பு:
அர்த்தமில்லா யுத்தங்களின்
அனர்த்தங்கள் ஆட்கொண்ட
சத்தமில்லா ஜீவனுக்கு
சமர்ப்பணம் இந்த வரிகள்.

· · · Share · Delete

• 
  

  Varsha Ram, மன்னார் அமுதன், Parthiban Shanmugam and 23 others like this.
• 1 share1 share
• • 
    

    Vj Yogesh ‎//ஒன்றும் அறியாத...நீ ஒருகால் சொர்க்கத்தின்
    
    மன்று திறக்க மகிழ்வையேல் ... நன்று! // .......//உளுத்தஉமல் கொட்டையென....
    
    உறுமவொண்ணா சிங்கமென....
    
    வெளுத்துக் கட்டுமொரு வாழ்வு // அருமை அண்ணா!
    

    June 24 at 9:39pm · · 2
  • 
    

    Thiru Thirukkumaran கரைசேரும்
    கலங்களுக்கு கூடவொரு
    கடற்பறவை கூட்டுண்டு
    அலங்கோலம் ஆனதெம தாழி!//
    

    June 25 at 6:31am · · 2
  • 
    

    Thiru Thirukkumaran நியமம்
    தர்க்கத்திற் கப்பால் தாண்டியது//
    

    June 25 at 6:31am · · 1
  • 
    

    கிரி ஷாந் பால்புளிக்கும்....சீச்சீ...இப்
    
    பழம்புளிக்கும்! காலவகை
    
    யால் இளிக்கும் கருத்துகளில் ஆழ்வோம்
    

    June 25 at 9:24am · · 1
  • 
    

    Pena Manoharan வெண்பா,குறும்பா,நறுக்குகள் என்று நீளும் தமிழ்மரபின் தற்கால புறநானூற்றின் புறப்பாட்டாய்ப் புலப்படுகிறது பூரிப்படைகிறது மனம்.வாழ்த்துக்கள் ஆனந்த் பிரசாத்.
    

    June 25 at 10:39am · · 1
  • 
    

    Francesca Kanapathy ‎"வர்க்கத்தின் அலைநீள
    
    விம்பத்தில் வாழ்வியலின்
    
    நர்த்தனங்கள் அறிவாய் நன்கு"…..very nice, uncle!!!
    

    June 26 at 9:58pm · · 1
  • 
    

    Pa Sujanthan ஞாலமிசை
    
    உளுத்தஉமல் கொட்டையென....
    
    உறுமவொண்ணா சிங்கமென....
    
    வெளுத்துக் கட்டுமொரு வாழ்வு .
    

    June 27 at 12:36pm · · 1
  • 
    

    Varsha Ram உளுத்தஉமல் கொட்டையென....
    உறுமவொண்ணா சிங்கமென....
    வெளுத்துக் கட்டுமொரு வாழ்வு ... அருமை
    

    Sunday at 4:49am · · 1
  • 
    

    Dr.Muttiah Kathiravetpillai Muruganandan ‎"..அர்த்தமில்லா யுத்தங்களின்
    அனர்த்தங்கள் ஆட்கொண்ட
    சத்தமில்லா ஜீவன.." அருமை.
    

    Monday at 1:28pm · · 1
  • 
    

    Anand Prasad இந்த சிறு மழலைகளின்
    இருப்பழிந்த நிலை....எண்ணி
    நொந்து...கருத்துப்பகிர்ந்த
    நுமக்கென்றன் நன்றிகள்!
    

    Monday at 8:27pm · · 1
• 
  

  
  

  Write a comment...